«Агартуу лигасы» долбоору Баткен районунун З. Абдукаримов орто мектебининде

Аталган долбоор аркылуу коомдук мектептин 4-агымын бүтүрүүчүсү Наргиза Абдыкалык кызы Баткен районун Кара- Булак айылындагы З. Абдукаримов атындагы орто мектебинин 9-10-11-класстарынын окуучуларына 4 күндүн ичинде «Чечендик ѳнѳр», «Убакытты туура пайдалануу», «Ѳзүн-ѳзү ѳстүрүү», «Алдыга койгон максатка жетүү» жана «Кесипти туура тандоо» тренингдерин ѳткѳздү.

«Кыргызстандын жаш лидерлери» коомдук мектебинин бүтүрүүчүлѳрү коомдук мектептен алган билимин башка студенттер менен жана окуучулар менен «Агартуу лигасы» долбоорунун алкагында бѳлүшүп келишүүдѳ. Аталган долбоор аркылуу коомдук мектептин 4-агымын бүтүрүүчүсү Наргиза Абдыкалык кызы Баткен районун Кара- Булак айылындагы З. Абдукаримов атындагы орто мектебинин 9-10-11-класстарынын окуучуларына 4 күндүн ичинде «Чечендик ѳнѳр», «Убакытты туура пайдалануу», «Ѳзүн-ѳзү ѳстүрүү», «Алдыга койгон максатка жетүү» жана «Кесипти туура тандоо» тренингдерин ѳткѳздү. Окуучулар тренингдерди кызыгуу менен угуп, практикалык иштерге жана кызыктуу оюндарга активдүү катышып, суроолорун берип, канааттандыраарлык жообун алып, соңунда жаш тренерибизге жана Фондго ыраазычылыгын билдиришти. Айрыкча 9-11- класстын бүтрүүчүлѳрү үчүн «Кесипти туура тандоо» тренинги ѳтѳ пайдалуу болду. Тренингдердин соңунда мектептин окуу башчысы Гулбарчын Жапарова, катышуучулар жакын досторго айланып, мектеп ичинде жүрүм-турумдары жакшы тарапка ѳзгѳрүлүп баштаганын айтып, Прогрессивдүү Демилгелер Фондуна ѳз ыраазычылыгын билдирип кетти. Ошондой эле, мектептин директору Карамат Закирова «Кыргызстандын жаш лидерлери» коомдук мектебинин 4-агымында, биздин мектептен 2 окуучу катышып, терең билим алып, алган билимин окуучуларыбыз менен бѳлүшүп жатканы ѳтѳ сыймыктандыраарын баса белгилеп, жаштарга ушундай мүмкүнчүлүк түзүп берип жаткан Фонддун жамаатына абдан ыраазы экендигин билдирди. 

Фото галерея