коомдук мектеби кезектеги окуу курсун баштагандыгына 2 аптанын жүзү болду

14-18-март аралыгында, тренингдердин дагы да эффективдүү өтүүсү үчүн коомдук мектептин студеттери 4 топко бөлүнүп, сабактарды өзүнчө өтүштү.

«ПРОГРЕССИВДҮҮ ДЕМИЛГЕЛЕР ФОНДУ» коомдук фондусунун астында негизделдеген «Кыргызстандын жаш лидерлери» коомдук мектеби кезектеги окуу курсун баштагандыгына 2 аптанын жүзү болду.

14-18-март аралыгында, тренингдердин дагы да эффективдүү өтүүсү үчүн коомдук мектептин студеттери 4 топко бөлүнүп, сабактарды өзүнчө өтүштү.

Апта ичинде тренингдер төмөнкүдөй темаларда болуп өттү:

«Тимбилдинг»

«Ѳздүк акчаны жана үй-бүлѳлүк бюджетти башкаруу»

«Коммуникация»

«Максат коюу жана ага жетүү»

Аптанын биринчи күнү үчүнчү топко «Тимбилдинг» боюнча тренинг ѳтүлдү (окутуучу Асел Шабданбекова). Бул тренингден студенттер команданы түзүүнүн жолдорун практикалык түрдө өздөштүрүүгө мүмкүнчүлүк алышты. Команда менен иштѳѳдѳ бири-бирин угуп, кеңешип, биргеликте чечим чыгарууда гана команда ийгиликке жетээрин билишти.

Ал эми, биринчи топко «Ѳздүк акчаны жана үй-бүлѳлүк бюджетти башкаруу» тренингин Нуруйля Болокбаева ѳттү. «Акча- каражатты туура пайдаланууну баарыбыз эле биле бербейбиз. Ар бир соода сатыкта, базарда керектелүүчү буюмдарды алууда, каражатты туура бөлүштүрүүдө, сарамжалдуу колдонууда өзүнчө бир билимди талап кылат экен. Бул тренингден кийин акчаны туура пайдаланууга аракет жасап баштадым» - деп билдирди топтун мүчѳсү.

Ошол эле күнү тѳртүнчү топко “Коммуникация” тренингин Ирина Чистякова ѳткѳрдү. “Биз бул тренингде аябай кызыктуу ,ары пайдалуу маалыматтарды ала алдык. Ар бир адам менен ар кандай учурларда тил табышып, баарлаша билүү үчүн “Коммуникациянын” эрежелерин билип, аларды сактоо керектигин билдик”- дейт бул тайпанын мүчөсү Мээрим Камчыбекова.

«Максат коюу жана ага жетүү» аттуу тренингден Татьяна Мисиркановна катышуучуларга алдыга максат коюп жана ага артка кайрылбастан жетүүнүн жолдорун үйрѳттү. Ушул жуманын аралыгында коомдук мектептин катышуучулары “Финансы министрлигинде” экскурсияда болушту. Ал жактын иштөө тартиби менен таанышышты.. Бул жолугушууда Финансы министрлигинин ар тармактуу ѳкүлдѳрү лекция окуп, аткарган иштери жѳнүндѳ маалымат беришти. Лекция окушуп бүткѳн соң жылуу сѳздѳрү менен узатып жатышып, ѳз кесибин мыкты билген жаш адистер үчүн Финансы министрлигинин эшиги ар дайым ачык экенин баса белгилешти.

Абдивалиев Даниял

Эл аралык Ататүрк Алатоо университетинин студенти

Фото галерея