ҮЧҮНЧҮ БҮТКҮЛ ДҮЙНӨЛҮК КЫРГЫЗСТАНДЫКТАРДЫН «АКЫЛ ТИРЕК» ИНТЕЛЛЕКТУАЛДЫК ЖАРЫШЫНЫН ЖЫЙЫНТЫГЫ
Прогрессивдүү Демилгелер Фонду Сизди жана мекеменин жамаатын «АКЫЛ ТИРЕК» жарышынын жеңүүчүлөрүнө жана номинаттарга б.а. жаш окумуштууларга «Акыл Тирек» наамын ыйгаруу салтанатына 2015-жылдын 3-декабрында саат 10:00дө Космопарк, 5-залга чакырат.
«Акыл Тирек» жарышы 2013-жылдан бери «Кыргызстандын идеялык картасы» долбоорунун алкагында өткөрүлүп, 2015-жылы төмөнкү багыттарды камтууда:
• экономика;
• мамлекеттик башкаруу;
• социалдык долбоорлор;
• илимий -техникалык долбоорлор жана аны турмушта колдонуу.
Жарыштын алкагында пайдалуу өзгөрүүлөргө жол ача турган 85 эмгек, илимий жана аналитикалык сунуш, долбоорлор кабыл алынды. Алгачкы экспертизадан 70 эмгек өтүп, алардын катарынан комплекстүү экспертизанын (атайын эксперттердин) элегинен алдыңкы сапка 7 иш, алардын авторлору, көмөктөш авторлору озуп чыгышты.
Конкурстун жеӊүүчүлөрүнө акчалай сыйлыктар берилет. Алар өлкөбүздүн интеллектуалдык ресурсунун негизги тиреги болуп калышат. Алардын ысымдары салтанатта гана билдирилет.
Номинанттар – өлкөбүздө илимдин өнүгүшүнө салым кошуп жаткан жаш акылмандарыбыз.
ЖОЖдордон, КРнын Улуттук илимдер академиясынан сунушталган жаш окумуштуулар 26 мекемеден 45 номинанттын ысымы бул жылы китепке басылат.
«Акыл Тирек» китеби – бул Кыргызстандын жаңы тарыхый баракчасы болуп, ал жерде ɵзгɵчɵ жана жаңычыл кɵз караштары менен идеялык чоң бурулуш жасаган инсандардын жогоруда белгиленген катышуучу, жеӊүүчү жана номинанттардын ысымдары тʏбɵлʏккɵ келечек муунга үлгү катары жазылып калмакчы.
Кошумча маалыматты www.fpi.kg сайтынан, же төмөндөгү телефон жана электрондук почта боюнча ала аласыздар. Тел.: 0777 777 370, 0770 760176, fpi.kg@mail.ru
Добавить комментарий