Коомдук мектептин 28-марттан 1-апрелге чейин болуп ѳткѳн тренингдер

«Билимден кымбат алтын жок» деп улуу окумуштуу Сократ айткандай, биздин «Кыргызстандын жаш лидерлери» коомдук мектебинин 5-агымынын катышуучулары билим дүйнѳсүнѳ кадам сайын сүнгүп киришип, билим артынан билим менен талыкпай аракет жасап келе жатышат.

«Билимден кымбат алтын жок» деп улуу окумуштуу Сократ айткандай, биздин «Кыргызстандын жаш лидерлери» коомдук мектебинин 5-агымынын катышуучулары билим дүйнѳсүнѳ кадам сайын сүнгүп киришип, билим артынан билим менен талыкпай аракет жасап келе жатышат. Ал эми 28-марттан 1-апрелге чейин болуп ѳткѳн тренингдер биз үчүн дагы бир чоң арыш боло алды. Айта кетсек, 28-март күнү Бишкек финансылык академиясында «Компаниядагы маркетингдин ролу» аттуу темада Ирактагы «Кока-Кола» компаниясынын соода-сатык маркетингинин менеджери Урмат Бейшеналиев келип лекция окуду. Лекция абдан кызыктуу жана кѳңүлдүү ѳттү. Тренинг учурунда, ар бир компанияда эң негизги роль ойногон – бул маркетинг экенин жана маркетингди кандай жолдор менен жүргүзүү керектигин айтып берди. Андан соң, 29-март күнү Кыргыз Республикасынын экс-Вице-премьер-министри, коомдук жана мамлекеттик ишмер Шамиль Атахановдун «Ийгилик сырлары» деген темада пайдалуу жана таасирлүү лекциясы болду. Билим дүйнѳсүнѳ жолубузду улай эле, 30-март күнү коомдук мектептин катышуучулары Кыргызстандын азыркы убактагы эң күчтүү финансылык компанияларынын бири «Сенти» компаниясына жана Мамлекеттик каттоо мекемесине экскурсияга барып иш аракеттерин кѳрүп, кызыктуу маалымат алып кайтышты. Ал эми, 31-март күнү «Финансылык сабаттуулук» жана «Коммуникация» аттуу группалык тренингтер менен коштолду. Баардыгынан эң кызыктуусу 1-апрель күнү Фонд тарабынан эксперттик совет түзүлүлүп, мүчѳлѳр менен жолугушуу болуп ѳттү. Коомдук мектептин ар бир группасындагы 25-катышуучуга, тактап айтканда ар бир группага бирден устат шайланды. Бул устаттардан пайдалуу маалыматтарды жана кеңештерин алып, аларды иш жүзүндѳ пайдаланып, биз да устаттарыбыздай ийгиликке жеткен инсандардан болобуз деп ишенебиз.

Кыргыз Республикасынын президентине караштуу мамлекеттик башкаруу академиясынын студенти,

Талантбекова Айым 

Фото галерея