«Бир Дүйнө Кыргызстан - 2013» - адам укуктары боюнча даректүү тасмалардын VII эл аралык фестивалы

Урматтуу «Бир Дүйнө Кыргызстан - 2013» - адам укуктары боюнча даректүү тасмалардын VII эл аралык фестивалынын катышуучулары жана коноктору

Урматтуу «Бир Дүйнө Кыргызстан - 2013» - адам укуктары боюнча даректүү тасмалардын VII эл аралык фестивалынын катышуучулары жана коноктору

Прогрессивдүү Демилгелер Фондунун атынан жана жеке өзүмдүн атымдан фестивалдын катышуучуларын куттуктайм.

Биз баарыбыз бул мамлекеттин жарандары болгондуктан, өлкөбүздүн тагдыры үчүн жооптуубуз. Бүгүнкү «Бир Дүйнө Кыргызстан»  фестивалынын аталышы өзгөчө мааниге ээ. Чынында эле, Кыргызстан – бул биз жана балдарыбыз жашай турган биздин жалпы дүйнөбүз жана анда паракорчулук, жумушсуздук, массалык эмгек миграциясы, жарандардын укуктарын тебелөө сыяктуу көрүнүштөр болбошу керек. Эл аралык фестивалдын камкордугу мигранттардын жана башка укуктук, социалдык жана каржылык коргоого муктаж болгон жарандардын укуктарын коргоо жолдорун ишке ашырууга жана талкуулоого көптөгөн кайдыгер карабаган адамдарды бириктирүүгө шарт түзөт.

Белгилеп кетүүчү нерсе, бул фестиваль адам укуктары жана эмгек миграциясынын көйгөйлөрүнө арналган, бул суроолор эң эле курч турган жана аларды чечүүдө мамлекет тарабынан, ошондой эле жалпы эле коом тарабынан бирдиктүү мамилеге муктаж болгон Кыргызсанда өткөрүлүп жатат. Бул мааниде Прогрессивдүү Демилгелер Фондунун милдети фестивалдын милдетине окшош, себеби фонд коомдогу жакшы өзгөрүүлөрдүн болушу үчүн мамлекеттик түзүмдөрдүн жана өлкөнүн жарандарынын күч-аракеттерин бириктирет.

Даректүү тасмалар жанры күнүмдүк жашоо кымгуутунда, бизди коомдун көптөгөн көйгөйлөрү жөнүндө ойлонууга түрткү болот жана көрүүчүлөрдүн тасмалардын каармандарынын тагдырларына жана окуяларына аёо сезимин туудурат, себеби даректүү тасмалар чыныгы окуяларды жана адамдарды көрсөтүүгө мүмкүндүк берет, бул чыныгы жашоодо болуп жаткан нерселерди сезүүнү пайда кылуу менен көрүүчүнүн аң-сезимине таасир этет.

Адам укуктарын коргоо жаатындагы тасмаларды көрсөтүү менен, фестиваль коомдогу чыдамкайлык жана пюрализм, ынтымактуу коңшулук жана бири –бирин сыйлоо ойлорун колдоону жайылтат.

Бул иш-чаранын уюштуруучусу «Бир Дүйнө-Кыргызстан» укук коргоо кыймылын адам укуктарын жана эркиндиктерин коргогонду, демократиялык процесстерди бекемдөөгө салмактуу үлүш кошкондугу жана бул фестивалды жогорку деңгээлде өткөргөндүгү үчүн терең ыраазычылык билдирип кетким келет.

Фестивалга – ийгилик, бардык катышуучуларга – ден-соолук, тынчтык жана чыгармачылык ийгиликтерди каалайм.

Аскар Салымбеков

Прогрессивдүү Демилгелер Фондунун негиздөөчүсү, коомдук ишмер