Нарын шаарында «Кел бөлүшөлү» долбоорунун ачылуу аземи болуп өттү

2014-жылдын 10-ноябрь күнү Нарын шаарынын студенттери, жаш лидерлери жана окуучулары менен коомдук мектептен алган билимдерин бөлүшүү максатында бул долбоордун Нарын Мамлекеттик Университетинде салтанаттуу ачылуу аземи болуп өттү.

«Прогрессивдүү Демилгелер Фонду» коомдук фондусунун билим долбоору болгон «Кыргызстандын жаш лидерлери» коомдук мектебинин биринчи бүтүрүүчүлөрү тарабынан «Кел бөлүшөлү» долбоору КРнын бардык региондорунда ишке ашырылууда. 2014-жылдын 10-ноябрь күнү Нарын шаарынын студенттери, жаш лидерлери жана окуучулары менен коомдук мектептен алган билимдерин бөлүшүү максатында бул долбоордун Нарын Мамлекеттик Университетинде салтанаттуу ачылуу аземи болуп өттү.

Салтанаттуу ачылуу аземинде «Прогрессивдүү Демилгелер Фонду» коомдук фондусунун иш-аракеттери тууралуу кыскача тасма көрсөтүлүп, Нарын мамлекттик университетинин проректору Турат Асанбекович фондко жана жаш тренерлерге, студенттерге ийгилик каалап, ыраазычылыгын билдирип кетти. Долбоордун ачылышына Нарын шаарынын активдүү жаштары жана окуучулары келип катышышты. Эң негизгиси Нарын шаарынын жаш таланттары, ырчы, бийчилери менен аземди кооздукка бөлөп, шаңдуу маанайда өткөзүүгө чоң салым кошушту.