Бүткүл дүйнөлүк кыргызстандыктардын «Акыл Тирек» конкурсунун жеңүүчүлөрү аныкталды.

2013-жылдын 7-сентябрында Токтогул Сатылганов атындагы Кыргыз Улуттук филармонияда «Акыл Тирек» конкурсунун жеңүүчүлөрүнө сыйлык берүү салтанаты өткөрүлдү.

Бүткүл дүйнөлүк кыргызстандыктардын «Акыл Тирек»  конкурсунун жеңүүчүлөрү аныкталды.

2013-жылдын 7-сентябрында Токтогул Сатылганов атындагы Кыргыз Улуттук филармонияда «Акыл Тирек» конкурсунун жеңүүчүлөрүнө сыйлык берүү салтанаты өткөрүлдү. Бул салтанат Кыргыз Республиканын Коомдук Телерадио корпорациясынын маалыматтык колдоосу менен Прогрессивдүү Демилгелер Фонду биргеликте өткөрүштү. Салтанатты Фонддун негиздөөчүсү Салымбеков Аскар Мааткабылович, Коомдук Телерадиокорпорациянын директору Оторбаев Кубат Табалдыевич ачышты. Конкурстун байге фондусу 1 000 000 сомдон ашты.

Салтанаттын алып баруучусу Нурзат Токтосунова церемониянын башында 45 номинантын аттарын жарыялады. Алардын ичинде биздин өлкөбүздүн интеллектуалдуу илимий жаш кадрлары деп аныкталган Жогорку окуу жайлар жана Кыргыз Республикасынын Улуттук Илимдер Академиясы көрсөткөн  жаш илимпоздору болду. Алар диплом, статуэтка жана «Акыл Тирек» китебине ээ болушту. Номинанттар Аскар Салымбеков жана Кубат Оторбаевдин колунан дипломдорду, статуяэткаларды жана китептерди өлкөнүн алдында илимий-изилдөө чөйрөсүнө кошкон салымдарына таазим кылуу символу катары алышты. 3 орунду 6 конкурсантка бөлүштүрүп, аларга эксперттик комиссиянын төрагасы, академик, Кыргыз Республикасынын эмгек сиңирген экономисти Турар Койчуев статуэтка, «Акыл Тирек» китептерди жана 50 000 сомдук сертификаттарды тапшырды. Экинчи оорунга 4 конкурсант ээ болуп, Коомдук Телерадиокорпорациянын башкы директору Кубат Оторбаев алардын ар бирине статуэтка, «Акыл Тирек» китептерди жана 75 000 сомдук сертификаттарды тапшырды. Акыры, биринчи оорунга 4 конкурсант ээ болушту: Касымбеков Р.А., Дыйканбаева Т.С., Курманов З.К., Бабакулов А.С. Фонддун негиздөөчүсү Аскар Салымбеков жана Фонддун башкы директору Амангелди Жумадилов биргелешип, биринчи оорунга ээ болгондорго статуэткаларды, «Акыл Тирек» китептерин, жана 100 000 сомдук сертификаттарды тапшырышты.

Кыргыз Республикасынын маданият, маалымат жана туризм министри Султан Раев Прогрессивдүү Демилгелер Фондунун башкы директору Амангелди Жумадилов биргелешип, калган 12 конкурсантка кызыктыруучу байге катары планшеттерди жана «Акыл Тирек» китептерин тапшырышты. Мындан тышкары Ата-Мекендин алдында көргөзгөн көрүнүктүү эмгектери үчүн Мурат Мусабаев, Жеңишбек Назаралиев, Кыргызбай Нуркулов, Машрап Мурзаев өзүнчө белгиленип жана аларга планшеттер, чакан компьютерлер жана «Акыл Тирек» китептери тапшырылды.