"Акыл Тирек" конференциясы пресс-релизи
«Кыргызстандын Идеялык картасы» долбоорунун алкагында «Акыл Тирек: сунуштар жана пикирлер» аттуу илимий-практикалык конференциясы
ПРЕСС-РЕЛИЗ
Прогрессивдүү Демилгелер Фонду «Кыргызстандын Идеялык картасы» долбоорунун алкагында уюштурулган бүткүл дүйнөлүк кыргызстандыктардын «Акыл Тирек» жарышынын жыйынтыгынын негизинде 25-октябрда саат 9:00дө «Акыл Тирек: сунуштар жана пикирлер» аттуу илимий-практикалык конференцияны өткөрөт.
Конференциянын максаты: жарыштын жыйынтыгы боюнча экономика жана мамлекеттик башкаруу тармагында тандалып алынган, өлкөбүздүн өнүгүшүнө өбөлгө түзчү ɵзгɵчɵ илимий эмгектерди, алардын негизин түзгөн маанилʏʏ жана пайдалуу сунуштарды, ошондой эле алардын авторлорун мамлекетке жана коомчулукка таанытуу максатында уюштуруулууда. Мындан сырткары бул иш-чара илимдин, ага болгон кызыгуунун өсүшүнө, жаратман демилгелердин ишке ашырылышына шарт түзөт деп ишенебиз.
Конференция эки секциялык отурумга багытталган:
Секция №1. «Экономиканын азыркы абалы: жаңыча көз-караш»;
Секция №2. «Мамлекеттик башкаруу системасын жакшыртуу механизмдери».
Конференциянын катышуучулары: мамлекеттик кызматкерлер, эксперттер, жогорку окуу жайдын жана Улуттук илимдер академиясынын профессор-окутуучу курамы, бизнес жана каржы өкүлчүлүктөрү, массалык маалымат каражаттары.
Дареги: Кыргыз-Түрк «Манас» университетинин “Экономика” факультети, 2-кабат, К.Тыныстанов атындагы конференц-зал, Бишкек ш., Орто Жал кичи району.
Тел.: 0 312 690667, 690547, 690546.
Эл.почта: fpi.kg@mail.ru.
Фото галерея
Добавить комментарий