Баракелде - Прогрессивдүү Демилгелер фондунун демилгеси менен КР жаштарына «Кыргызстандын жаш лидерлери - 2014» коомдук мектебинен акысыз кошумча билим алууга мүмкүнчүлүк түзүлүүдө, деп билдирет аталган Фондунун басма сөз кызматы.

Маалымдалгандай, Фонд социалдык маанилүү «Кыргызстандын жаш лидерлери - 2014» долбоорун баштоодо.

«Мектеп үзгүлтүксүз билимдүү, жоопкерчиликтүү, өз алдынча өнүгө ала турган жаштарды жана болочок лидерлерди тарбиялоо менен атайын команда түзүү, мамлекеттин жаңы жаркын келечегине салым кошуу», - деп айтылат маалыматта.

Билим алууга катышууга документтер ушул жылдын 13-сартына чейин кабыл алынат.