2014-жылдын 20-июлда «Келечекти пландаштыруу» аттуу тренинги болуп өттү.

2014-жылдын 20-июлда төрт күнгө созулган калктын финансылык сабаттуулугун жогорулатуу максатында «Келечекти пландаштыруу» аттуу тренинги болуп өттү.

2014-жылдын 20-июлда төрт күнгө созулган калктын финансылык сабаттуулугун жогорулатуу максатында «Келечекти пландаштыруу» аттуу тренинги болуп өттү. Бул тренингдин демөөрчүсү «Бай-Түшүм» банкы жана «Прогрессивдүү Демилгелер Фонду» коомдук фондусу. Өздөрүнүн ишинин профессионалдары жана көп жылдык тажрыйбасы бар «Элдом» консалтинг компаниясынын тренерлери Мырзаш Шабданбекова жана Нуржан Дүйшө кызы болду.

Тренингдин ар бир күнүндө ийгиликке жана алга умтулган энергиялуу окуучулар жана студенттер болду. Тренингдин акыркы күнүндө аудиторияда ар кандай курактагы эже, байкелер кошулуп, тренинг кызыктуу өттү. Ар бир тренинг сайын катышуучулар тренерлерди активдүүлүгү, оптимисттик көз караштары, ойлорунун ылдамдыгы, стандарттык эмес чечимдери, ал эмес тамашалуулугу менен таңкалдырып турушту. Өткөн бардык үч күн сыяктуу эле, 20 катышуучу группага бөлүнүштү. Бул группалар кичине үй бүлөөдөй болуп, кээ бири атанын ролун аткарса, кээ бири балдарынын ролун аткарышып, тренингдин аягына чейин кызыктуу иштешти.

Темалар жөнүндө эскерте кетсек – бул «үй бүлөөлүк бюджет», «кредиттин тузагына түшүү», «пландаштыруу» ж.б. темалар. Катышуучулардын айтканына караганда «акчаны чогултуу» темасы аябай жаккандыгы билинип турду. Эгерде үч литрлик банканы копилка кылып, ага 10 сомдук тыйынды салып турса, анда 50 000 сом чогултканга болоорун тренерлер айтып өтүштү. Ал үчүн, милдеттүү түрдө жакшы максат коюш керек, башкача айтканда бул акчалар эмнеге керектелээрин так билүү керек. Тренерлерге бир катышуучунун аларда да ушундай копилка барбы деген  суроосуна, алар бар экенин, ал эле эмес Мырзаш Шабданбекованын копилкасы толуп калгандыгын айтышты. Тренер копилкасында канча акча чогулганын жана чогулган акчасы көздөлгөн ишине кетээрин чыдамсыздык менен күтүп жатканын айтып кетти. Чындыгында бул акчаны сарптоо жана өзүңдү тартипке көндүрүүнүн жакшы жолу, эң башкысы үй бүлөөнүн каалаган мүчөсү акчаны ушундай жол менен чогулта алат.

Тренингден кийин, катышуучулар «Бай Түшүм» банкы уюштурган кофе-брейктен жакындан таанышып, кызыктуу маек куруп олтурушту. З сааттык тренингде катышуучулар бири-бири менен достошуп, телефон жана почталары менен алмашканга үлгүрүштү.

Тренерлер Мырзаш Шабданбекова жана Нуржан Дүйшө кызы бул тренингдер жыл бою Кыргызстандын бардык аймактарында өткөрүлүп келе жатканын айтышты, бул дагы биздин көптөгөн жараандарыбыздын финансылык сабаттуулугун жогорулаткандыгын билдирет. Бизде, чындыгында жакшы билим берүүчү,  ушундай акысыз тренингдер өтүлүп жаткандыгы кубандырат. 

Фото галерея