Акыл-Тирек 2016

«АКЫЛ ТИРЕК» КЫРГЫЗСТАНДЫКТАРДЫН БҮТКҮЛ ДҮЙНӨЛҮК IV ЖАРЫШЫ 2017-жылы 24-мартта Т.Абдумомунов атындагы Кыргыз улуттук академиялык драма театрында Прогрессивдүү Демилгелер Фонду менен Кыргыз Улуттук Илимдер Академиясынын орток иш аракети катары жүргүзүлгѳн «Акыл Тирек» Кыргызстандыктардын бүткүл дүйнөлүк IV жарышынын жыйынтыгы менен жеӊүүчүлѳрдү аныктап, сыйлык тапшыруу аземи болуп ѳттү.

«Акыл Тирек» жарышы төрт жылдан бери уникалдуу илимий иштерди аныктап, илимпоздорго мамлекеттеги болуп жаткан илимий жетишкендиктерди жалпы коомчулукка жеткизүүгө мүмкүнчүлүк берип келет. Салтка айланган жыл сайын салтанаттуу аземде жеӊүүчүлөрдү сыйлоо иш чарасы илим жаатындагы бир канча жылдыздардын жанышына себеп болду.  Алардын эмгектери жана изилдөөлөрү мамлекет үчүн абдан маанилүү.  

 «Акыл Тирек» жарышын уюштуруунун максаты улуттук илимди жана илимпоздорду колдоо, илимий-техникалык прогресс жана инновацияларга түрткү берүү, ошондой эле изилдөөчүлөрдүн мамлекеттин илимий-техникалык өнүгүшүнө кошуп жаткан салымдарын баалоо болуп саналат.

 «Акыл Тирек» жарышына катышу үчүн 2016-жылы атуулдарыбыздан 78 билдир мекелип түшкөн. Алардын сунуштаган илимий эмгектеринде жана социалдык-экономикалык багыттагы долбоорлорунда Кыргызстандагы азыркы учурда болуп жаткан ар кандай актуалдуу маселелерди жана кыйынчылыктарды чечүү жолдору сунушталган. 

Жарышка түшкөн иштер эки этаптан турган экспертизадан өткөн. Алгачкы экспертиза Прогрессивдүү Демилгелер Фонду тарабынан жасалып, андан соӊ комплекстик экспертиза Кыргыз Республикасынын Улуттук Илимдер Академиясынын эксперттик тобу тарабынан жүргүзүлгөн.  

Жүргүзүлгөн экспертизанын негизинде «Акыл Тирек» жарышынын жеӊүүчүлөрү аныкталып, маанилүү жана кызыктуу эмгектерди сунуштаган жеӊүүчүлөр туурасында кыскача маалыматтар «Акыл Тирек» китебине киргизилген.

Аталган салтанатты Прогрессивдүү Демилгелер Фондунун негиздѳѳчүсү, белгилүү меценат Аскар Салымбеков расмий түрдѳ ачып берип, аны менен катар, КРнын Улуттук Илимдер Академиясынын Президенти Абдыганы Эркебаев, КРнын Улуттук Илимдер Академиясынын Президиумунун башкы-окумуштуу катчысы Чолпонкул Арабаев, коомдук телерадио корпорациясынын директорунун орун басары Кайрат Иманалиев сыяктуу кѳптѳгѳн кѳрүнүктүү инсандар катышып, аталган жарыштын ѳлкѳбүз үчүн маанилүүлүгүн айтып, жеӊүүчүлѳргѳ  каалоо-тилектерин билдирип кетишти. 

АКЫЛ ТИРЕК" ЖАРЫШЫН ЖЕНҮҮЧҮЛѲРҮ, СЫЙЛЫКТЫН ЛАУРЕАТТАРЫ:

1.     Абдырахманов Тѳлѳбек Абылович – И.Арабаев атындагы Кыргыз Мамлекеттик университетинин Ректору, Мамлекетти эффективдуу башкаруу ресурстарын ачып бергендиги үчүн сыйланды.

2.     Кылычбекова Наргиля Курмангалиевна – И.Раззаков атындагы Кыргыз мамлекеттик техникалык университетинин Технологиялык  факультетинин илимий иштер боюнча деканынын орун басары, Сүт жана дан буурчактардын негизинде функционалдык тамак-аш азыктарын иштеп чыгуунун жолдорун кѳрсѳткѳнү үчүн сыйланды.

3.     Байгазиев Мирбек Сагымбаевич – И.Раззаков атындагы Кыргыз мамлекеттик техникалык университетинин «Метрология жана стандартташтыруу» кафедрасынын ага окутуучусу, Тѳѳ бурчак жыйноочу комбайндын конструкциясын иштеп чыккандыгы үчүн сыйланды.

4.     Чолбаева Сагынбүбү Джумабековна – М.Рыскулбеков атындагы Кыргыз экономикалык университетинин «Финансы жана финансылык контролдук» кафедрасынын башчысы, Мамлекет менен бизнестин шериктештигинин финансылык-насыялык механизмдерин ачып бергендиги үчүн сыйланды.

5.     Турусбеков Сагындык Калыбекович - Кыргызстан Эл аралык университетинин Докторлорду даярдоо бѳлүмүнүн ага илимий кызматкери, Кыргызстанда альтернативалуу, кайра калыбына келуучу энергиянын турлорун онуктуруу жана энергияны аккумуляциялоо жолдорун киргизууну сунуштагандыгы үчүн сыйланды.

АКЫЛ ТИРЕК" ЖАРЫШЫН ДИПЛОМАНТТАРЫ:

1.     Мамбеталиева Светлана Медетбековна - Бишкек компьютердик системалар жана технологиялар колледжинин директору, Имараттардын элементтерин – профилдик түтүктѳрдѳн турган каркастарды жана фибробетондон турган курчоочу панелдерди басмадан чыгаруучу атайын принтерди даярдоо жолдорун ойлоп чыккандыгы үчүн сыйланды.

2.     Баялиев Алтынбек Жакыпбекович – Н.Исанов атындагы Кыргыз мамлекеттик курулуш, транспорт жана архитектура университетинин «Механика жана жаратылышты жайгаштыруу» кафедрасынын ага окутуучусу, Инфраструктуралык курулуш иштеринде жогорку мааниге ээ болгон ажыратылма ургучтуу гидромеханикалык ургу балкасын ойлоп тапкандыгы үчүн сыйланды.

3.     Мураталиева Венера Женишбековна – И.Раззаков атындагы Кыргыз мамлекеттик техникалык университетинин «Физика» кафедрасынын доценти, Волластанит аркылуу кѳмүр кычкыл газдарын азайтуу жолдорун иштеп чыккандыгы үчүн сыйланды.

4.     Алымбеков Кенешбек  Асанкожоевич – М.Рыскулбеков атындагы Кыргыз экономикалык университетинин «Коммерция, товар таануу жана ресторандык бизнес институтунун» директору, Топоз этин иштетүүнүн илимий жактан негизделген рационалдуу жолдорун кѳрсѳткѳндүгү үчүн сыйланды.

5.     Эсен уулу Кылыч – «Тарых, маданият жана этнография» коомдук фондунун Директорунун орун басары, Энесай жана Алтайдагы кыргыздардын тарыхын жаныча нукта изилдеп , сунуштагандыгы учун сыйланды.

"АКЫЛ ТИРЕК" ЖАШ ОКУМУШТУУЛАР СЫЙЛЫГЫНЫН ЛАУРЕАТТАРЫ:

1.      Карабаев Айбек Нурудинович - Кыргыз-Түрк Манас университетинин Айыл-чарба факультетинин “Мөмө-жемиш жана талаа өсүмдүктөрү” бөлүмүнүн кенже илимий кызматкери.

2.      Бровко Наталья Анатольевна - Б.Ельцин атындагы Кыргыз-Орус Славян университетинин Экономикалык кафедрасынын профессору.

3.       Насирдинов Асылбек Төлөнович - К.Молдобасанов атындагы Кыргыз улуттук консерваториясынын Улуттук аспаптар кафедрасынын улук окутуучусу.

4.      Элеманова Римма Шукуровна – И.Раззаков атындагы Кыргыз мамлекеттик техникалык университетинин Консервациялоо технологиясы кафедрасынын доценти.  

5.      Дооранов Алмазбек Пазылбекович - Эл аралык инновациялык технологиялар университетинин Экономика кафедрасынын доценти.

6.      Батырбекова Жылдыз Касымбековна - Академик Дж.Алышбаев атындагы КРнын улуттук илимдер академиясынын Экономика институтунун улуу илимий кызматкери.

7.      Абдыбеков Азисбек Анарбекович - КРнын Ѳкмѳтүнѳ караштуу Кыргыз мамлекеттик юридикалык академиясынын Административдик иштер боюнча проректору.

8.      Дуйшонбаева Астра Такыбаевна - Ж.Баласагын атындагы Кыргыз улуттук университетинин Органикалык эмес химия жана химиялык технологиялар кафедрасынын башчысы.

Фото галерея