Фонд коррупция менен күрөшкөн Коргоо Кенешинин Иштөөчү тобу менен кызматташат

Бул кеңешмеде Энергетика жана өнөр жай министрлигинин, ресурстар боюнча мамлекеттик агенттигинин жетекчилери жана Прогрессивдүү Демилгелер Фондунун өкүлдөрү катышты.

Прогрессивдүү Демилгелер Фонду коррупция менен күрөшкөн Коргоо Кенешинин Иштөөчү тобу менен кызматташат.

Бул чечим 7чи декабрь 2013 жылы Коргоо кеңешинин секретариаты Улуттук Гвардиянын салтанаттуу чогулуш өткөрүлүүчү залында өткөзгөн, коррупцияга каршы улуттук стратегияны ишке ашыруу жана контролдоо боюнча Коргоо Кеңешинин Иштөөчү тобунун кеңешмесинде кабыл алынды.

Бул кеңешмеде Энергетика жана өнөр жай министрлигинин, ресурстар боюнча мамлекеттик агенттигинин жетекчилери жана Прогрессивдүү Демилгелер Фондунун өкүлдөрү катышты.

Талкуулоонун жыйынтыгында, энергетика тармагындагы системалуу коррупциянын себептерин талдоо  үчүн, Иштөөчү Кеңешине караштуу, көз каранды эмес эксперттердин, Министрликтин өкүлдөрүнүн, укук коргоо органдарынын кызматкерлеринин катышуучусу менен Эксперттик топ түзүлдү.

Андан башка, Иштөөчү тобунун отурумунда компетентүү эксперттерди жана коомдун кең чөйрөсүн тартуу үчүн жана интеллектуалдуу потенциалды бириктириш үчүн, Прогрессивдүү Демилгелер Фонду менен кызматташуу боюнча келишим түзүлдү.

Коргоо кеңешине караштуу Иштөөчү тобу менен Фондун кызматташуусу 12 чи ноябрь 2013 жылы №215чи  “Бийлик органдарындагы саясий жана системалуу коррупциянын себептерин жоюу боюнча чаралар жөнүндө» Президент Алмазбек Атамбаевдин Жарлыгы менен байланыштуу.

Бул жарлыкта антикоррупциялык саясатты өркүндөтүү жана коррупцияга каршы аракеттенүүгө багытталган мамлекеттик органдардын, жергиликтүү өз алдынча башкаруу органдарынын, жарандык коомчулуктун институттарынын жана жарандардын күч-аракеттерин бириктирүүсү зарыл экенин билдирген.

Фонд, коомдун баардык сегменттеринин интеллектуалдуу потенциалын бириктирүү принципине байланыштуу, коом менен кызматташканга керектүү потенциалга, мүмкүнчүлүккө ээ болот жана Кыргызстандын жарандарына, мамлекеттик органдарга активдүү биригип, коррупцияга каршы аракет көрсөтүү үчүн система менен камсыздайт.

Фонд иштеп чыгарган Улуттук краудсорсинг - платформа (веб-аянтчасы Фоддун сайтында www.fpi.kg ) көп жарандарга он-лайн түрүндө өздөрүңүн ой – пикирлери, сунуштары менен бөлүшүүгө, башкалардын ой – пикирлерин талкуулоого жана эң жакшы идеяларга добуш берүүгө мүмкүнчүлүк берет.

Андан башка, кыргызстандыктар мамлекеттик органдардагы, жергиликтүү өз алдынча башкаруу органдардагы коррупция факттарды интернет аркылуу айтып берсе болот. Коррупцияга каршы улуттук стратегияны ишке ашыруу жана контролдоо боюнча Коргоо кеңешине караштуу Иштөөчү тобунун электрондук почтасы ачылды (antikorr@adm.gov.kg). Ал почтага мамлекеттик органдардагы, жергиликтүү өз алдынча башкаруу органдардагы коррупция факттардын маалыматтарды, эксперттик бааларды, аналитикалык материалдарды жөнөтсөңүз болот.