Коомдун өнүгүү жана өзгөрүүсүндө жаратман лидерлер чоң ролго ээ экендиги талашсыз. Алгачкы тренингди «Чыныгы лидер ким?», «Канткенде лидер болуу мүмкүн», «Лидер менен башкаруучунун айырмасы кандай?»-деген суроолорго жооп берип, Ж. Баласагын атындагы социалдык илимдеринин кандидады, доцент Батма Кошбакова өттү. Аталган тренинг аркылуу, коомдук мектептин жаштары, керектүү көптөгөн маалыматка ээ болуу менен бирге, бул багытта өзүлөрүн толуктай алышты.

Ал эми Болокбаева Нуриля Ырымкуловна болсо, каржылык сабаттулуктун алтын эрежелери менен бөлүштү. Бул тренингде жаш лидерлер өздүк акчасын жана үй-бүлөөлүк бюджеттин туура бөлүштүрүүнү, ошол менен эле бирге, бизнес план жазууну, каржылык максаттарды туура коюууну, экономикалык мүмкүнчүлүктөрдү туура пайдаланууну үйрөнүштү.

Ийгилик психологиясы атуу тренингде психолог Татьяна Мисиркановна жаштарга ар дайым жеңүүчү болуунун сырын ачып берди. «Эң негизги жалкоо адам менен жеңүүчүнү айырмалап турган нерсе, бул кыймыл жана эмгек»- деп билдирди тренер.

Дагы бир кызыктуу тренинг Зарина Макен тарабынан берилди. Тренингде лидердин эффективдүүлүгү деген эмне жана ага жетүүнүн жолдору туурасында айтылып, жаш лидерлерге ѳз тармагында эффективдүү иш алып барууга аракет кылуу зарыл экендигин белгилеп ѳттү.

Алынган тренингдер коомдук мектептин ар бир лидеринин жан дүйнөсүн, ой жүгүртүүсүн, дүйнөгө, өзүнө болгон көз карашын толугу менен туура нукка буруп, жаңыча идеяларды ойгондурду. Жаш лидерлерди алдыда дагы көптөгөн кызыктуу тренингдер күтүп турат. Келечек жаңыча көз карашка ээ, демилгечи жаштардын колунда.

Салкарбекова Элмира, 
"Кыргызстандын жаш лидерлери" коомдук мектебинин студенти