КТМУ жана КЭУда «Агартуу лигасы-2015» долбоору ѳткѳрүлүп бүттү

«4 күндүк тренингтер пайдалуулугу жагынан 4 кылымга тете болду. Алгач «Лидерлик сапатыңды ѳркүндѳт» темасынан баштап «Тайм менеджментке» чейин, жашообуздагы өтө кылдат учурларын пландоону жана ар кандай түстөргө боёшту үйрөндүк. Өзгөчө «Чексиз жашоо» тренинги абдан чоң таасирин тийгизди. Буюрса алган маалыматтарды иш жүзүнѳ ашырып, алар менен бөлүшүү биздин колубузда. Чоң рахмат!»

            2015-жылдын 2-февралында коомдук мектептин бүтүрүүчүлѳрүнүн «Агартуу лигасы-2015» долбоорунун алкагында, Кыргыз-Түрк "Манас" университетинин 61 студентине жана Кыргыз экономикалык университетинин 50 студентине программадагы акыркы тренинги болуп ѳттү. Катышуучулар соңунда жаш тренерлерге жана уюштуруучуларга ыраазычылыктарын билдирүү менен, тренингдерден пайдалуу маалыматтарды ала алышканын билдиришти.

Бегимай Калыева, Кыргыз-Түрк "Манас" Университетинин психология факультетинин 2-курсунун студенти: «Университетибизде ФПИ тарабынан уюшулган кыска жана нуска тренингге катыштым. Тренинг ѳтѳ пайдалуу болду десем жаңылышпайм. Анткени, кыска убакыттын ичинде эле ѳзүмѳ ѳтѳ керектүү болгон маалыматтарга ээ болдум. Мисалы катары айта кетсем убакытты туура пайдалануу, бизнести кантип пландайбыз, ѳзүбүздүн ораторлук чеберчилигибизди кантип ѳнүктүрѳ алабыз, күнүмдүк этикалар жана башка пайдалуу кеңештерди билип алдым. Мындан тышкары тренинг аркылуу ѳзүмѳ досторду таап, алар менен ойлорубузду жана ѳзүбүздѳ болгон маалыматтарды бѳлүштүк. ФПИ фондуна жана тренинг ѳткѳн тренерлерге терең ыраазычылыгыбызды билдиребиз жана ѳз иштеринде ийгиликтерди каалайбыз!»

Арстан Дукуев, Кыргыз-Түрк "Манас" Университетинин студенти: «Тренингтер ар кандай темада болуп, абдан кызыктуу болду.  Ѳзүмѳ кѳп жакшы маалыматтарды алдым. Чындыгында бизге ѳтүлгѳн тренингтер мыкты денгээлде ѳттү. Билимге болгон кызыгуумду дагы да күчѳттү. Алга умтулуу тууралуу ѳтүлгѳн тренинг баарынан жакты, таасири чоң болду».

Эрмек Темирбек уулу, Кыргыз-Түрк "Манас" Университетинин Туризм жана отель факультетинин 2-курсунун студенти: «4 күндүк тренингтер пайдалуулугу жагынан 4 кылымга тете болду. Алгач «Лидерлик сапатыңды ѳркүндѳт» темасынан баштап «Тайм менеджментке» чейин, жашообуздагы өтө кылдат учурларын пландоону жана ар кандай түстөргө боёшту үйрөндүк. Өзгөчө «Чексиз жашоо» тренинги абдан чоң таасирин тийгизди. Буюрса алган маалыматтарды иш жүзүнѳ ашырып, алар менен бөлүшүү биздин колубузда. Чоң рахмат!»