«НАМЫС» УЛУТТУК НААМЫ

«НАМЫС» УЛУТТУК НААМЫ 2017-жылы 24-мартта Т.Абдумомунов атындагы Кыргыз улуттук академиялык драма театрында Прогрессивдүү Демилгелер Фонду уюштурган «НАМЫС» улуттук наамын тапшыруу аземи болуп ѳттү.

«Прогрессивдүү Демилгелер Фонду» коомдук фондусу 2016-жылы бекитилген «Намыс» программасынын алкагында «Намыс» улуттук наамын негиздеген.  Аталган наам жарыштык негизде маданият, искусство, спорт, илим-билим, коом, бизнес, социалдык тармак жана экономиканын ɵнүгүүсүнɵ олуттуу таасир тийгизген жогорку жетишкендиктери жана коомубуздагы олуттуу маселелердин чечилишинде жана Кыргыз Республикасынын кадыр баркын чет жерлерде кɵтɵрүүгɵс ебепкер болгон иш аракеттери үчүн жеке жана юридикалык жактарга тапшырылат.    

«Намыс» наамын тапшыруу Кыргыз Республикасынын жарандарынын зор жетишкендиктерин таануу иш чарасы болуп, ар жыл сайын салтанаттуу маанайда жана коомчулуктун, массалык маалымат каражаттарынын ɵкүлдɵрүнүн катышуусунда уюштурулат.

2016-жылдын жыйынтыгы менен, «Намыс» улуттук наамы алгачкы жолу тѳмѳнкү тасмага ыйгарылган.  

        Тасма дүйнɵлүк деңгээлде алгачкы жолу 2016-жылдын 31-августунда 40- ирээт ɵтүп жаткан Дүйнɵлүк Монреаль кинофестивалында кɵрсɵтүлүп, «Биринчи тасмалардын дүйнɵлүк программасы» аталышындагы жарышта мыкты дебюттук фильм катары башкы байге болгон «Алтын Зенит» сыйлыгын утуп алган. Канада, Франция жана Италиядан келген эл аралык калыстар башкы байгени кыргыз тасмасына тапшырышкан.

        Аталган сыйлык кыргыз кинематографтар тарыхындагы абройлуу сыйлыктардын катарына кирип, «А» классындагы алгачкы алтын наам болду. Ошондой эле мурдагы Советтер Союзуна кирген ɵлкɵлɵр ичиндеги алгачкы «Алтын Зенит» сыйлыгы болуп саналат.

        Ошол себептен, Прогрессивдүү Демилгелер Фондунун негиздѳѳчүсү, белгилүү меценат Аскар Салымбеков, жеке кыргыз эли эле эмес, жалпы дүйнɵлүк коомчулук башынан ɵткɵрүп жаткан миргация маселеси кɵтɵрүлгɵн «Атанын керээзи» толук метраждуу тасмасынын авторлору Бакыт Мукул жана Дастан Жапар уулуна Прогрессивдүү Демилгелер Фондунун «Намыс» премиясын - статуэтка, 140’000 сомдук сертификат, «Акыл Тирек» китебин жана ыраазычылык баракчасын  салтанаттуу түрдѳ ыйгарды.  

 

Фото галерея