Ош шаарында «Кыргызстандын жаш лидерлери» коомдук мектебинин расмий ачылышы болуп өттү.

Бул долбоорду Ош шаарынын жаш лидерлери үчүн Ош Мамлекеттик Технологиялык университети жана Ош мамлекеттик телерадиокорпорациясы менен биргеликте уюштуруп, 2014-жылдын 3-ноябрында Ош мамлекеттик технологиялык университетинде расмий ачылышы болуп өттү.

   «Прогрессивдүү Демилгелер Фонду» коомдук фондусу жаңы өсүп келе жаткан жаш лидерлер үчүн чоң мүмкүнчүлүк түзүп, билим долбоору болгон «Кыргызстандын жаш лидерлери» коомдук мектебин Бишкек шаарында ишке ашырып келүүдө.

Эми Бишкек шаарында гана эмес, ордолуу Ош шаарынын жаштарына да чоң мүмкүнчүлүк түзүлгөнү Ош шаарынын жаштары үчүн жакшы жанылык болду. Бул долбоорду Ош шаарынын жаш лидерлери үчүн Ош Мамлекеттик Технологиялык университети жана Ош мамлекеттик телерадиокорпорациясы менен биргеликте уюштуруп, 2014-жылдын 3-ноябрында Ош мамлекеттик технологиялык университетинде расмий ачылышы болуп өттү. Расмий ачылышты Фонддун башкы мүдүрү Жумадилов Амангелди Жумадилович ачып, катышуучулардын жүрөгүнө дем-күч берүүчү сөздөрүнөн кийин окуу курсуна өткөндүктөрүн куттуктап өттү. Куттуктоо сөздөрүн Ош мамлекеттик технологиялык университетинин ректору Абдыкадыр Омаровичке жана Ош мамлекеттик телерадиокорпорациясынын башкы директорунун орун басары Гүлжан Ажиматовалар дагы айтышып,  жаш лидерлерге атайын даярдалган китепчелерди тапшыруу менен Ош шаарынын жаштарына демине дем кошуп, жөндөмдөрүн арттырып, заманбап билимге эгедер кыла турган мындай коомдук мектепке ар дайым колдоо көрсөтүүгө даяр экендиктерин белгилешти.  

            Ачылыш аземинин алкагында ошондой эле Бишкек шаарындагы коомдук мектептин биринчи бүтүрүүчүсү Ош мамлекеттик университетинин студенти Нажимидинова Аксаамай жана «Кел бөлүшөлү» долбоорунун катышуучу Умида Эгембердиева долбоордон алган пайдалуу билимдери, иштери тууралуу кыскача айтышып, мындай шарттарды жасап жаткан Фондко жана анын негиздөөчүсү Салымбеков Аскар Мааткабылович ыраазычылыктарын билдиришти. 

Коомдук мектептин ачылышынын өзгөчөлүгү Фонддун негиздөөчүсү Салымбеков Аскар Мааткабыловичтин катышуусунда болду. Ош шаарынын жаш лидерлери менен атайын жолугушууга келеген Аскар Салымбеков сɵзүнүн башында жаш лидерлерге окууларына ийгилик каалоо менен бул окуу курсу баарына чоң пайда алып келет деген ишенимин айтып, Ош мамлекеттик технологиялык университетинин ректору Абдыкадыр Омаровичке жана Ош мамлекеттик телерадиокорпорациясынын башкы директорунун орун басары Гүлжан Ажиматоваларга долбоорго кɵмɵк кɵргɵзүп Ош жаштарына кам кɵрүп жаткандыктарына ыраазычылыгын билдирип ɵттү. Андан соң коомдук мектепке кабыл алынып жаткан жаш лидерлер жана ошондой эле жолугушууга келген 200 дɵн ашык Ош шаарынын жаштары менен  жакындан пикир алышып, мамлекеттин келечеги туурасында кызыктуу суроолорго жооп берди. Өз сɵзүндɵ мындай акысыз коомдук мектептер ɵлкɵбүздүн бардык аймактарында уюштурулуп жатканын белгилеп, кɵзүндɵ оту жанып, билимге, прогресске умутулуп жаткан Ош жаштары үчүн мындай билим долбоорлорун келечекте дагы ишке ашырып турарын айтып ɵттү. Пикир алышуу ɵтɵ кызуу жүрүп, жагымдуу маанайда ɵттү. Акырында Ош жаштары кɵптɵгɵн жылуу сɵздɵрүн айтышып, сɵз менен эмес реалдуу долбоорлор аркылуу жаштарга колдоо кɵргɵзүп жаткандыгы үчүн Фондко жана анын негиздɵɵчүсү Аскар Салымбековго  терең ыраазычылыктарын билдирип, каалоолорун айтышты.  

Фото галерея