Ош шаарында ЖОЖдордун студенттери менен А.Салымбековдун жолугушуусу болуп ѳттү.

Бардык жолугушууларда Ош шаарынын жаштары жана тургундары Прогрессивдүү Демилгелер Фондунун негиздɵɵчүсү Аскар Салымбековго жаштарга реалдуу жардам кɵрсɵтүп, алардын дараметин арттыруу максатында атайын заманбап билимдерди берген коомдук мектептерин ачып, колдоп жатканына чын жүрɵктɵн ыраазычылык билдирип жатышты.

«Прогрессивдүү Демилгелер Фонду» коомдук фондусунун демилгеси менен Ош шаарынын жогорку окуу жайларында дүйнɵдɵгү эң ири соода комплекстеринин катарына кирип, он миңдеген жумушчу орундарын камсыз кылган «Дордой» соода комплексинин негиздɵɵчүсү, кɵп тармактуу Дордой Ассоциациясынын президенти, коомдук ишмер жана меценат Аскар Салымбековдун «Дордой ассоциясынын ɵнүгүү жолу жана ийгиликтүү инсан болуу үчүн жаштарга кеңеш» аттуу атайын лекциясы жана эркин темада баарлашуусу болуп ѳттү.  Бул жолугушуулар 3-декабрь күнү 10:00-12:00 аралыгында Ош Мамлекеттик Социалдык Университетининде 100 дɵн ашык студенттер жана мугалимдер жамаатынын катышуусунда, 

14:00-16:00 аралыгында Ош Мамлекеттик Университетинде 300 дɵн ашуун бизнес жана менеджмент институтунун студенттеринин катышуусунда болуп ɵттү.

Ал эми 4-декабрь күнү 10:00-12:00 аралыгында Ош гуманитардык – педагогикалык университетинде болуп, жолугушуунун башында Кыргыз мамлекеттүүлүгүн чыңдоо жылына карата, ОГПИнин  кыргыз тилчи мугалимдери тарабынан жабдууланган кыргыз тил жана адабият кабинетинин, А.Салымбеков жана ОГПИнин ректору Б.Зулуевдин катышуусунда ачылышы болуп ѳттү. Андан соң 300 дɵн ашык студенттер жана мугалимдер жамаатынын катышуусунда атайын эки сааттык баарлашуу болуп ɵттү.

Аталган жолугушуулар эркин форматта ɵтүп, бизнес баштоо, аны ɵнүктүрүү, коомдук жана мамлекеттик иштер, спорттук ири-долбоорлор туурасында кеңири айтылып, кызыктырган суроолорго жооп алуусуна мүмкүнчүлүк түзүлдү. Бардык жолугушууларда Ош шаарынын жаштары жана тургундары Прогрессивдүү Демилгелер Фондунун негиздɵɵчүсү Аскар Салымбековго жаштарга реалдуу жардам кɵрсɵтүп, алардын дараметин арттыруу максатында атайын заманбап билимдерди берген коомдук мектептерин ачып, колдоп жатканына чын жүрɵктɵн ыраазычылык билдирип жатышты. Ошондой эле акылгɵй чыныгы жарандардын алдыга чыгуусуна кɵмɵк кɵргɵзүп, илим чɵйрɵсүнɵ кылып жаткан камкордугун дагы баса белгилешип, мындай узак мɵɵнɵттү кыраакы ишмердик ɵлкɵбүз үчүн абдан зарыл экенин белгилешти. 

Фото галерея