Прогрессивдүү Демилгелер Фондунун негиздѳѳчүсү Салымбеков А.М. демилгеси менен китеп чыгарылды

Прогрессивдүү Демилгелер Фондунун негиздѳѳчүсү Салымбеков А.М. демилгеси менен китеп чыгарылды

Прогрессивдүү Демилгелер Фонду жана И.Раззаков атындагы Кыргыз Мамлекеттик Техникалык Университети менен биргеликте “Мамлекет жана ишкердик ортосундагы кызматташтыкты өнүктүрүү” аталышындагы китепти жарыкка чыгарышты. Китептин авторлору К.О.Орозбаев, М.О. Омурбекова, Ж.А. Аксенова, Бишкек, 2014.155с.

2013-жылдан баштап Прогрессивдүү Демилгелер Фонду президент, өкмөт жана министрликтерге Мамлекет жана ишкердик ортосундагы кызматташтыкты өнүктүрүү боюнча кайрылып келген. Салымбеков Аскар Мааткабыловичтин ою боюнча “Мамлекет жана ишкердик ортосундагы кызматташтыкты өнүктүрүү” экономиканы кѳтѳрүүнүн конкреттүү жолу экенин далилдейт, анын аркасы менен кѳптѳгѳн мамлекеттерде бизнес жана мамлекеттин биргелешкен иш аракети менен канчалаган экономикалык маселелер чечилип жатат”.

     Ошондуктан, Прогрессивдүү Демилгелер Фонду Улуттук краудсорсинг-платформасына компетенттүү жарандар тарабынан конкреттүү сунуштарды, сын пикирлерди, кошумчаларды алуу үчүн жумушчу топ тарабынан иштелип чыккан “Мамлекет жана ишкердик ортосундагы кызматташтыкты өнүктүрүүнүн концепциясы” аттуу Коомдук документти сунуштаган. Ошол иштердин натыйжасында бул монография жарык кѳрүп, ишкер, мамлекеттик органдар, студенттер үчүн керектүү колдонмо болот деген ишенич жаратат.

Монография мамлекеттик жеке өнөктөштүккө байланыштуу суроолордун теориясына жана методологиясына, анын өнүгүү тарыхына арналган. Андан тышкары, ар кандай өлкөлөрдүн мамлекеттик жеке өнөктөштүккө байланыштуу ишке жүргүзүлгөн долбоорлордун тажрыйбасы көрсөтүлгөн, Кыргызстанда мамлекеттик жеке өнөктөштүк киргизүү маселеси изилдөө иштери каралган. Кыргызстандагы заманбап шарттарына жараша мамлекеттик жеке өнөктөштүктүн чоң тобокелдиктеги колдонуу суроолоруна өзгөчө көңүл бурулган.

       Китептин авторлору Прогрессивдүү Демилгелер Фондунун негиздѳѳчүсү Салымбеков Аскар Мааткабыловичке китепти чыгарууга колдоо кѳрсѳткѳндүгү үчүн, терең ыраазычылык билдиришет.

Фото галерея