ЖОЖлардын лидерлери менен жолугушуу

2014-жылдын 10-февралынан 12-февралга чейин Прогрессивдүү Демилгелер Фондунун негизги залында Бишкек шаарындагы бардык университеттердин студенттик кеңешинин президенттери жана башка лидерлер чогулуп, Фонддун жаңы билим долбоорлору менен жакындан таанышышты.

Жолугушууга келген жаш лидерлер кунт коюп, ар бир презентацияны акылынан өткөрүп, жүрөгүнө сиңирип жаткандай болду. Долбоорлордун жетектөөчү менеджерлери тиешелүү маалыматтарды айланаларындагы жаш лидерлерге жеткирүүнү суранып, так жана пландуу иш-чараларды кадам-кадам менен далилдүү түшүндүрүштү.

Кызуу талкуу жолугушуунун акырында башталып, көптөгөн суроолорго жооптор кайтарылып, кошумча материалдарды кучагына кыскан жаштар жакшы маанайда узашты. Төмөнкү жогорку окуу жайлардын өкүлдөрү жолугушууда болушту:

Кыргыз Республикасынын Президентине караштуу Мамлекеттик Башкаруу Академиясы, Кыргыз Эл Аралык Университети, Махмуд Кашгари-Барскани атындагы Чыгыш Университети, Арабаева атындагы Кыргыз Мамлекеттик Университети, Эл Аралык Ататюрк Ала-Тоо Университети, Эл Аралык Башкаруу, Укук, Финансы жана Бизнес боюнча Академиясы, Бишкек Финансы жана Экономикалык Академиясы, Кыргыз Республикасынын Тышкы Иштер Министирлигинин Дипломатиялык Академиясы, Кыргыз – Түрк “Манас” Университети, Социалдык Өсүү жана Ишкердик Институту, И.Разаков атындагы Кыргыз Мамлекеттик Техникалык Университети, М.Рыскулбеков атындагы Кыргыз Экономикалык Университети, Кыргыз республикасынын Э.Алиев атындагы МВД Академиясы, Бишкек Финансы жана Экономикалык техникуму, Бейшеналиева атындагы Кыргыз Мамлекеттик Искусство Институту, Чүй Университети, Кыргыз Мамлекеттик Медициналык Академиясы, Кыргыз Мамлекеттик Куруу, Транспорт жана Архитектура Университети, Кыргыз Мамлекеттик Дене Тарбиялоо жана Спорт Академиясы, Орто Азиядагы Америка Университети, Кыргыз Улуттук Консерваториясы, Кыргыз Мамлекеттик Юридикалык Академиясы, Бишкек авто жолдук техникуму.

«Кыргызстандын жаш лидерлери» коомдук мектеби жана «Ак Дил» кыймылы тууралуу маалыматты толук кандуу ала алган жана башка жаштар менен бөлүшүүгө даяр болгон жаштардын тизмеси төмөндө берилген. Бул лидерлерди Фонддун негиздөөчүсү Салымбеков Аскар Мааткабылович жана Фонддун башкы мүдүрү Жумадилов Амангелди Жумадилович менен болгон жолугушуулар күтөт.

Бул долбооорлор жана бул болочок лидерлер тууралуу кийинки маалыматтарды дайым биздин сайттан жана ДОЛДООРЛОР/ КЫРГЫЗСТАНДЫН ЖАШ ЭЛИТАСЫ бөлүмдөрүнөн ала аласыздар.

Фото галерея