Жалал-Абад шаарында «Кел бөлүшөлү» долбоорунун ачылышы болуп өттү

2014-жылдын 3-ноябрь күнү «Прогрессивдүү Демилгелер Фонду» коомдук фондусу тарабынан уюштурулган “Кыргызстандын жаш лидерлери” аттуу коомдук мектептин такшалган билимдүү 5 бүтүрүүчү-тренерлери менен биргеликте “Кел бөлүшөлү” долбоору Жалал-Абад Мамлекеттик Университетинде салтанаттуу түрдө ачылыш аземи болуп өттү.

Азыркы убакта жаштардын түндүк-түштүк, уруу-уруу болуп ар кандай саясий күчтөргө бөлүнүүсү, эски убакыттан калган стереотиптер коомубузда негативдүү тенденцияга айланууда. «Прогрессивдүү Демилгелер Фонду» коомдук фондусу жөн гана оозеки айтып койбостон, иш жүзүндө фонддун негизги миссияларын далилдеп, Кыргызстандын 7 дубанынан илимпоз, таланттуу жана прогрессивдүү жаштарды ак эмгек, мээнет менен ынтымакка бириктирүүдө. Жалал-абад шаарынын жаштарын ар тараптуу өнүктүрүү максатында, ЖАМУ менен биргеликте дагы бир долбоор ишке ашууда.

2014-жылдын 3-ноябрь күнү  «Прогрессивдүү Демилгелер Фонду» коомдук фондусу тарабынан уюштурулган “Кыргызстандын жаш лидерлери” аттуу коомдук мектептин такшалган билимдүү 5 бүтүрүүчү-тренерлери менен биргеликте  “Кел бөлүшөлү” долбоору Жалал-Абад Мамлекеттик Университетинде салтанаттуу түрдө ачылыш аземи болуп өттү.

Ачылышында «Прогрессивдүү Демилгелер Фонду» коомдук фондусунун иш аракеттери жана жетишкендиктери тууралуу кыскача тасма көргөзүлдү. Долбоордун ачылышына Жалал-Абад Мамлекеттик Университетинин жамааты, Жалал-Абад шаарынын жергиликтүү тургундары жана студенттери, лидерлери , окуучулары катышты. Жалал-Абад мамлекеттик  университетинин окуу жана тарбия иштери боюнча проректору, техника илимдеринин доктору, профессор Үсөнов Кеңешбек Жумабековичке сөз берилип, мындай долбоорлор жаштар үчүн, бири-бири менен тажрыйба алмашууга жана жаңы билимдерди алууга маанилүү экенин баса белгилеп кетти. Ачылуу азем ЖАМУнун ырчы студенттери менен шаңдуу маанайда өттү.

Фото галерея