Вакансиялар жарманкеси анкеталарынын анализи

2014-жылдын 23-майында КГУСТА имаратында вакансиялар жарманкеси өттү. Бул иш-чараны Прогрессивдүү Демилгелер Фонду жана Н.Исанов атындагы Кыргыз Мамлекеттик Курулуш, Транспорт жана Архитектура Университети өткөрдү. Жарманкенин негизги максаты – жаштарды колдоо жана алардын өнүгүүсүнө салым кошуу, иш орундары менен камсыз кылууга аракет жасоо.

Анкеталардын анализи

2014-жылдын 23-майында КГУСТА имаратында вакансиялар жарманкеси өттү. Бул иш-чараны Прогрессивдүү Демилгелер Фонду жана Н.Исанов атындагы Кыргыз Мамлекеттик Курулуш, Транспорт жана Архитектура Университети өткөрдү. Жарманкенин негизги максаты –  жаштарды колдоо жана алардын өнүгүүсүнө салым кошуу, иш орундары менен камсыз кылууга аракет жасоо.  Бүтүрүүчү студеттерди жумуш менен камсыз кылуу жана жумуш берүүчүлөргө өздөрүнө ылайык жумушчуларды тандап алууга жана практикага да алууга шарт түзүп берүү да негизги максат. Жумуш берүүчүлөр катары Кыргызстандын чоң жана белгилүү компаниялары чакырылды,  алар өздөрүнүн ишмердүүлүгү менен тааныштырышты, бош вакансияларына жаштарды тандап жатышты. Жумуш издөчүлөрдүн көбү Бишкектеги ЖОЖдордун бүтүрүчүлөрү болду, катышуучулардын саны 1000ге жетти. Жарманкеге келген катышуучулардын арасында: БФЭТ, М. Кашгари-Барскани атындагы чыгыш университети, И. Арабаев атындагы Кыргыз Мамлекеттик Университети,  Кыргызстандагы Эларалык университети, К.Карасаев атындагы Бишкек гуманитардык университети, Кыргыз Экономикалык университети, И.Скрябин атындагы Кыргыз улуттук аграрадык университети , Б.Бейшеналиев атындагы Кыргыз мамлекеттик искусство институту болду.

Анкетадагы биринчи суроонун жооптору:

Биринчи суроонун жоопторунун жыйынтыгы боюнча катышуучулардын көбү жакшы коз карашта калышты. Негизги жооптор төмөнкүчө болду: «Бардыгы жакшы өттү, мага абдан жакты», «Иш-чаранын уюштурулганы жана компаниялардын жылуу тосуп алуусу мага жакты», «Бул иш-чарада катышып жатканыма абдан кубанычтамын, ушундай мүмкунчүлүктөрү менен жарманкени өткөзүп жатканыңарга терең ыраазычылык!», «Мага баары жакты, өзгөчө, студенттерге сунушталып жаткан вакансиялар абдан кубандырды, анткени вакансиялардын арасынан студенттер окуу менен чогуу алып бара ала турган вакансиялар көп экен», «Көп киши болсо да, залдын ичи тынч болду, каалагандай аралап басып көптөгөн визиткаларды чогулттумJ» ж.б. Сурамжылоонун жыйынтыгы боюнча 79 пайызы вакансиялар жарманкесинин баарык жактары канааттандырды деп жооп беришти. 11% катышуучуларга вакансияларын демонстрациясындагы компаниялардын жылуу тосуп алуусу. 8% Студенттер окуу менен биргеликте иш алып бара ала турган сунушталаган вакансиялар бар болгондугу кубаныч алып келгенин белгилешти. Ал эми катышуучулардын 2% өтүп жаткан жарманкеде өздөрүнө ылайык эч нерсе жоктугун билдиришти.

Анкетадагы экинчи суроонун жооптору:

Сурамжылоонун жыйынтыгы: жалпы сандан 55 % катышуучу абдан жагып сөзсүз кийинки вакансиялар жарманкесине катышаарын билдирди  . 43% - «Ооба» деп жооп беришти, ал эми 2% «жок» деп жооптоду.

Анкетадагы үчүнчү суроонун жооптору:

Анкеталардын жооптору боюнча катышуучулардын көбү ушундай иш-чараны кийин дагы өткөрүүсүн каалашты. Мындан дагы көбүрөөк компанияларды чакырууну сунуш кылышты, себеби жумуш издөөчүлөргө мындан дагы чоң-чоң мүмкүнчүлүктөр болоорун белгилешти. Андан тышкары катышуучулар жарманкенин уюштуруучуларына ыраазычылыктарын билдирип, аларга алдыга умтулуп мындан ары дагы жаңы иштерине ийгилик каалашты.