Ош шаарында «Кел бөлүшөлү» аттуу окуу долбоорунун ачылышы болуп өттү.

2014-жылдын 14-июлда Ош Мамлекеттик Университетинин тарых-юридика корпусунун чоң актовый залында «Кыргызстандын жаш лидерлери» коомдук мектебинин биринчи бүтүрүүчүлөрү тарабынан «Кел бөлүшөлү» аттуу окуу долбоорунун ачылышы болуп өттү.

2014-жылдын 14-июлда Ош Мамлекеттик Университетинин тарых-юридика корпусунун чоң актовый залында «Кыргызстандын жаш лидерлери» коомдук мектебинин биринчи бүтүрүүчүлөрү тарабынан «Кел бөлүшөлү» аттуу окуу долбоорунун ачылышы болуп өттү.  Ачылышында «Прогрессивдүү Демилгелер Фонду» коомдук фондусунун иш аракеттери жана жетишкендиктери тууралуу кыскача видео роликтер көргөзүлдү. Долбоордун ачылышына Ош Мамлекеттик Университетинин жамааты, Ош шаарынын жеке ишкерлери, жергиликтүү тургундары жана студенттери, лидерлери , окуучулары катышты. Коомдук ишкер жана «Бизнес план жазуу» жана «Финансылык сабаттуулук» боюнча тренер Искендер Субанкулов өз сөзү менен чыгып, мындай долбоорлор жаштар үчүн, бири-бири менен тажрыйба алмашууга жана жаңы билимдерди алууга маанилүү экенин баса белгилеп кетти. Ал эми Фонд тарабынан проект-менеджер Нуржан Турсуналиева, күзүндө Ош шаарынын студенттерине «Кыргызстандын жаш лидерлер» коомдук мектебинин ачылаарын айтып кетти. Дагы, коомдук мектептин лидерлеринин атынан Айчолпон Авазова, Аваз Казаков  жана Бакыт Шайдуллаев  өз билимдери менен алмашууга дайым даяр экенин жана Ош шаарынын студенттери менен жакын достордон болууга үмүт кылышаарын билдиришти. Азем кызыктуу өтүп, аягында бардыгы ыраазы болуп, 15-июлда башталчу тренингдерге келип катышаарын билдиришти.

Долбоор боюнча студенттер 2 сменага 4тон группага бөлүндү. Биринчи эле күнү 15-июлда тренингге кызыккан көптөгөн студенттер, лидерлер, окуучулар жана улуу муундагылар да келип катышышты. Тренингдер абдан кызыктуу болуп, катышуучулар көптөгөн суроолорун берип, керектүү жоопторун ала алышты. Бири-бири менен таанышып, кызыктуу маектер болду. Тренингдин аягында бардык группанын студенттери кийинки тренингди чыдамсыздык менен күтүшөөрүн билдирип, кызыктуу, пайдалуу маалыматтарды алганын айтышты.

Фото галерея