Аскар Салымбеков, Прогрессивдүү Демилгелер Фондунун башкы мүдүрү Амангелди Жумадилов жана фонддун кызматкерлери Эларалык Ататүрк Алатоо Университети менен Экономика жана Инновация Технологиялар Колледжине барышты.

Аскар Салымбеков, Прогрессивдүү Демилгелер Фондунун башкы мүдүрү Амангелди Жумадилов жана фонддун кызматкерлери Эларалык Ататүрк Алатоо Университети менен Экономика жана Инновация Технологиялар Колледжине барышты.

2014-жылы 12 – мартта Аскар Салымбеков, Прогрессивдүү Демилгелер Фондунун башкы мүдүрү Амангелди Жумадилов жана Фонддун кызматкерлери Эларалык Ататүрк Алатоо Университетинде бул ЖОЖдын эң активдүү студенттери, жаңы технологиялар факультетинин деканы Беделбай Мамадиев жана университеттин проректору Сулейман Шентүрк менен жолугушушту. Бул иш-чарада 150гө жакын студент катышты. Жолугушууда “Прогрессивдүү жаштар – өнүгүү, аман-эсендик жана ийгиликтин фактору” аттуу темага чоң талкулоолор болду.

Андан башка, ушул эле күнү Аскар Салымбеков Экономика жана Инновация Технологиялар Колледжинин студенттери, мыкты коллективи жана колледждин башкы мүдүрү Жунушалиева Нурзат Манасовна менен жолукту. Жолугушуунун алкагында Индия маданиятын көрсөткөн шаан-шөкөттүү сүрөттөр көрсөтүлдү. Ушул жолугушууда 250гө жакын студент катышты.

Жолугушуулардын жүрүшүндө Прогрессивдүү Демилгелер Фондунун негиздөөчүсү Аскар Салымбеков студенттер менен жаштардын өнүгүүсү тууралуу ой -пикирин айтып, жаштарды күчөтүү анык стратегиясын жоктугун белгилеп, өзүнүн билими жана тажрыйбасы менен бөлүштү. Мындан тышкары Аскар Салымбеков азыркы жаштарга үмүттөнүп, Фонддун “Кыргызстандын жаш лидерлери” коомдук мектеби жана “Ак Дил” айкөлдүк кыймылы” аттуу программалары аркылуу жаштарга колдоо көрсөтүүгө даярдыгын белгиледи.

А. Салымбеков студенттерге кайрылуусунан кийин, өз кайрылуусу менен Фонддун башкы директору А. Жумадилов фонддун максатын жана буга чейин кылынып келген иштерин айтып берди. Андан тышкары жолугушуунун аягында фонддун долбоор менеджерлери Н. Турсуналиева менен А. Абдиева жогорудагы программалар боюнча презентация өткөзүп, студенттер тараптан келген бир нече суроолорго жооп беришти.

Жолугушуулар бүткөндө ЖОЖдын жетекчилери өз атынан жана студенттердин атынан Аскар Салымбеков жана фонддун кызматкерлерине ыраазычылык билдиришип, эстеликке белектерди жана ыраазычылык сертификаттарын тапшырышты

.

Фото галерея