“Акыл Тирек” интеллектуалдыкжарышы
07.09.2013 http://www.mamtil.kg/index.php/us/zha-ylyktar/589-akyl-tirek-intellektualdyk-zharyshynyn-zhe-ch-l-r-anyktaldy
“Акыл Тирек” интеллектуалдыкжарышынын жеңүүчүлөрү аныкталды
Мамлeкеттин акыл казынасына эң мыкты идеяларды топтоп, өлкөнүн акылмандарынын сунуш пикирлерин бир жерге чогултуу менен аларды тандап , талдап чыгуучу жоопкерчиликтүү, ишти өз колуна алган Прогрессивдүү Демилгелер Фондунун негиздөөчүсү, өлкөнүн келечегине кайдыгер карабаган бизнесмен жана саясатчы Аскар Салымбеков болду.
А.Салымбеков мындай иш чаралар салттуу түрдө ар дайым өткөзүүлө тургандыгын белгиледи. Ошондой эле ɵзүбүздүн акылмандарыбыздын асыл ойлорун жана баа жеткиз эмгектерин баалап, даңазалоо анын эң негизги максатыбыз деп айтты. Мындай жөрөлгө мамлекетибизде идеялык чоң бурулушка түрткү берип, ириɵзгɵрүүлɵргɵ негиз болот.Улуттук акыл казынабыздын пайдубалын курууга салым кошот. Фонд күчтүү коомду куруу үчүн жаратман идеяларды топтоп, аларды Кыргыз Республикасынын Өкмөтүнө, мамлекеттик органдарга сунуштайт. 2013-жылдын 7-сентябрында саат 11-00дө Т.Сатылганов атындагы Кыргыз Улуттук филармониясында бүткүл дүйнөлүк Кыргызстандыктардын “АКЫЛ ТИРЕК”интеллектуалдык жарышынын жеңүүчүлөрүнө жана жаш окумуштууларга “Акыл Тирек” наамы ыйгарылды.
Фонд тарабынан экономика жана мамлекеттик башкаруу тармагында да маанилүү өзгɵрүүлɵргɵ жол ача турган ɵзгɵчɵ илимий эмгектер арасында “Акыл Тирек” жарышын жарыялаганга жарым жылдын болду. Бул убакыттын ичинде 100дөн ашуун орчундуу идеялар келип түшкөн. Келген ар бир материалдар тыкыр талдоодон өткөн. Атайын комиссиянын, төрагасы экономика илимдеринин доктору, академик Турар Койчуевдин жетекчилиги астында жеңүүчүлөр аныкталган. Биринчи 4 сыйлыкка ээ болгондорго 100 миң сомдон, экинчи 4 сыйлыкка 75 миң сомдон, үчүнчү 6 сыйлыкка 50 миң сомдон байгелер тапшырылды. Мындан сырткары кызыктыруучу сыйлыкка татыган 12 эмгектин авторлоруна жана 4 атайын сыйлыктын ээлерине планшеттер, ноутбуктар берилди.
Кыргыз Республикасына караштуу Мамлекеттик тил боюнча улуттук комиссиянын маалымат кызматы
Добавить комментарий